Góður matur

Triðja páskadag vaknaðu tvær smágentur, Mikaela og Daniela, upp hjá ommu síni. Dagurin er gerandisdagur, og nú er liðugt við páskaregg og bomm. Vit eiga at eta sunt, sunna frukt og havragrýn, og drekka mjólk.

 

Uhmm....

  

.... og súrepli smakkar ordiliga væl.

Og so harafturat, so er 2011 eisini alment heilsuár.

Páskadagur

Fyrsta páskadag vóru vit í Havn, øll familjan. Tvær smágentur fingu loyvi at eta so nógv bomm og sjokolátu, tær vildu hendan dagin. Omma og abbi komu við pappeggum fullum við alskyns góðgæti. Á, dett forstýrilsi.

Mikaela heldur í einum stórum eggi

So varð pakkað upp, og tær sóu, at nógv var í, fult.

-  Uhmm, tað smakkar væl, søgdu tær. Og her guffar Daniela í seg.

Páskaklæðir

Nú vórðu tær lidnar. Páskatroyggjan og páskahúgvan. Vónandi passar. Bundin til minstu stødd, men beiggin er ikki av minstu nýføðingum, 4100 gram. Nú er bert eftir at keypa brævbjálva og senda hann niður á Sofiegården, so fáa vit at síggja.

Uppskriftin er frá Drops, smábarnaklæðir,

og er bundin upp og niður.

Takk

Sig takk, sigur mamman við sonin. Aftur og aftur. Hvørja ferð, hann fær ein pakka. Hvørja ferð, onkur hjálpir honum. Hvørja ferð onkur veitir honum eina góðgerð. Hvørja ferð, hann er liðugur at eta. Hvussu sigur tú takk? Kanska lærir barnið at siga takk. Kanska lærir dóttirin at vera høvisk. Takk fyri lán, manga takk. Hvør skal læra børn at siga takk? Hvar skulu tey læra tað? Heima, haldi eg. Men tíverri er tað ofta so, at orðið takk als ikki verður brúkt, har barnið veksur upp. Tá er verri vorðið.Tað, sum eg her havi tosað um er at vera høviskur, at vit læra at vera høvisk. 

Skúlin eigur eisini at taka tað upp. Ítróttarfeløg. Samkomur. 

Um allir partar tóku sær av hesum partinum av sosialiseringini, so hevði verið betur vorið. So hevði verið óneyðugt at latið so nógva orku fara til spillis.

Fyri allar gávur lær at siga takk,

fyri allar gávur lær at siga takk.

Mong tey droyma bert um tad,

sum vit njóta dag um dag,

fyri allar gávur lær at siga takk!

- Eg hugsi nógv um eitt annað slag av takk. Eina tøkk, sum fevnir víðari enn tað at vera høviskur. Eina tøkk, sum ikki bert snýr seg um at vera høvisk. Eina tøkk, sum stingur nógv djúpri. 

Takksemi og nøgdsemi.

Fyri lívið. 

Fyri familju. 

Fyri vinir og arbeiðsfelagar. 

Fyri heilsu. 

Fyri gávur og evnir. 

Ein kenslulig tøkk. 

Ein virðismeting. 

Ein tøkk, sum ristir okkum djúpt inn at sálini.
Kensluliga.

Takksemi er ein kensla. Nógvar kanningar gjørdar í seinastuni benda á, at fólk, sum vísa stórt takksemi, sum heild hava tað betri. Takksom fólk eru lukkuligari, minni tunglynt, minni strongd, og meir nøgd fyri lívið.

Tó, ein tøkk má verða vend móti onkrum. 

Hon er fyri eitthvørt. Og onkur er gevarin.

Efesusbrævið 5,20: Og takkið altíð Gudi og Faðirinum fyri alt, 

í navni Harra okkara Jesu Krists!

1. Tessalonikubræv 5,18: Takkið í øllum førum - 

tað er vilji Guds við tykkum í Kristi Jesusi.

Altíð fyri alt og í øllum førum.

Djúpt. Krevjandi. 

Hvør veit, óivað eisini gevandi.

Stúrið ongum fyri, nei, latið í øllum tað, sum tit ynskja, 

koma fram fyri Gud í ákallan og bøn við tøkk!

Ikki inn í eygað

"Babba," segði yngsta dóttirin, "kann eg ikki fáa bomm," 

Ella var tað okkurt annað, hon bað um.
Men pápin, sum er ein rættur orðsnillingur, kundi tá siga við hana:
"Nei, ikki inn í eygað!"
Hendan gentan var tá eins og nú sera djúphugsin og tók alt í rama álvara.

Hetta skilti hon als ikki. Hon skuldi altso hava tað í munnin.

 Men nú kann hon eins og flenna at sær sjálvari og minnast aftur á agurkuna, 

sum ikki slapp inn í eygað.
Hon hevði ímyndað sær eina fína og vakra damu, sum lá ella sat við onkrum á andlitinum, eini vakurleikamasku og agurku yvir eygað.